低糖的湯圓

巖日係2021年正月十五元宵佳節，家家户户都會食湯圓慶元宵。
     早幾日諗起過年前整油角剩底有D餡料，於是就諗起用來整湯圓，然後再買D豬板油和黑芝麻返來做餡料。
      今日係人生中第一次整有餡料嘅甜湯圓，以前整果D無論係甜嘅，還是鹹嘅湯圓入面都係無餡料嘅。 自己鬱手製作湯圓餡料十足，粉皮又薄又香又好味。祝各位廚神：元宵佳節甜甜蜜蜜，團團圓圓，一團和氣！

用料  

低糖的湯圓的做法  

1. 買返來嘅豬板油洗乾淨掠幹水分，撕掉表面一層薄膜，然後好似斬肉餅一樣，將豬板油斬斷斬碎

2. 黑芝麻買返來洗兩次掠幹水分，用不粘鍋小火控幹水分，抄到黑芝麻聞到香味，發出霹靂啪嘞嘅聲音就可以停火，放一邊攤凍之後再打磨成粉。

3. 哩D餡料就係之前整油角剩底嘅，我用來當糖，包含有白糖，花生碎，黑芝麻和椰絲打磨成粉。

4. 黑芝麻和糖打磨成粉一齊放入裝豬板油嘅盤裏，用手將三種餡料好似和麪團一樣揉搓均勻。

5. 我大概揉搓兩、三分鐘左右，餡料基本上已經搓均勻，也見唔到豬板油，於是我用保鮮膜蓋住放入冰箱冷藏。

6. 我係提前一日做黑芝麻餡料。第二日早上我拿出來，搓大小唔一樣嘅丸子，然後再蓋上保鮮膜放入冰箱冷凍

7. 糯米粉加熱水和粉團，加熱水嘅時候一邊慢慢加入，一邊用筷子慢慢攪均勻，因為每種粉嘅吸水性唔一樣，所以要少量多次慢慢加入。忘記影相

8. 搓好粉團，拿出黑芝麻餡料，就可以包湯圓啦！用手嘅虎口來收埋囗，輕輕慢慢甘收緊口就可以啦！

9. 重點講一下：唔可以太大力！唔可以太大力！唔可以太大力！重要事情要特別提醒，如果你太大力有機會穿咗個窿，到時就好難補救啦！

10. 然後將多餘嘅粉團捏落來，再加少少粉團又可以做第二個湯圓啦！

11. 係唔係好靚呢？根本唔需要再去搓個湯圓，由此類推直到做曬D黑芝麻餡料，就可以大功告成啦！

12. 我做嘅皮好薄，有D基本上都可以看到裏面嘅餡料。

13. 開始煮湯圓啦！（我只係煮佐一半嘅湯圓，剩底一半放入冷凍，想食嘅時候又可以拿出來煮或者加其它材料一齊煮）首先用4碗水，半片片糖和1小扎姜絲煮滾，滾多兩、三分鐘等D姜絲出味，然後放入湯圓煮到湯圓浮起來，再煮一、兩分鐘放入兩只打散嘅雞蛋，熄火攪拌均勻可以開食啦！

14. 我唔客氣啦！粉皮夠薄，煙煙韌韌又彈牙，餡料豐富，好食，好香，又好味，食到飽仲想繼續食，真係超級好食，比起超市買返來嘅好食好多多！

小貼士

1.黑芝麻餡料搓成丸子，一定要放冰箱冷凍室急凍，否則包湯圓嘅時候會好難包。
    2.粉團揉搓均勻之後，一定要多搓兩、三分鐘，甘樣嘅湯圓就會煙煙韌韌又彈牙。
    3.用手嘅虎口來收緊湯圓嘅囗，根本上已經完成一個湯圓，唔需要再揉搓。