木薯馬拉糕

拖左好耐，今次做出來嘅口感尚算可以。之後有新改進仲會不斷更新。哩個配方同出面唔一樣嘅系，用奶油代替左調和油，口感上滑溜之餘，祛除左油膩感。   再來好多人追求眼密，其實我認為，切面只要滑溜，眼大彈性更好。好似法棍咁，眼大，韌性夠。所以唔好莫名追求眼密。

用料  

木薯馬拉糕的做法  

1. 先用400克水將糖水煮融，所有粉除酵母外混合好撈勻。

2. 煮到糖融化，加入淨翻嘅400克水。攤凍再用(太熱酵母會死)。

3. 糖水凍後，粉裏面加入奶油同酵母。

4. 加入糖水，一齊打到無顆粒(水可以先加入小部分，充分吸收以後再加入剩餘，一次加完，容易起粒，如果手動攪到你撲街。)視頻上其實系要有流動性，然後流落去以後會有支撐力，有層層沓再慢慢扁(視頻被切去一半，無語)。    作者哩度稍微稀少少系因為避免成品會太乾，切面粗糙。如果屋企火比較細或者麪粉吸水力相對低，建議減30左右水，因為加左奶油。太稀蒸出來會發唔起。

5. 然後倒落盤，盤先掃油。落去以後可以用筷子如視頻畫圈圈祛除氣泡。然後發酵到多0.7-0.8倍就可以。

6. 蒸之前再震一下，震走氣泡。水滾落鑊，大火蒸。20-30分鐘不等。睇你盤大細，厚度啦。

7. 最後出爐等凍就可以切開食啦。

小貼士

1.麪粉吸水性唔同。水要變化。作者用白燕麪包粉。以前都用過中筋，口感會無咁韌，吸水性比較差。所以要靈活變通。
2.蒸過程唔可以開蓋，厚就蒸埋啲。
3.天氣凍就發耐啲，自己睇高度。無絕對時間40-70分鐘不等。